ဟိုဘက်ခြမ်းက ကောင်မလေး

သင့်မှာ ချစ်သူရှိပါသလား။ နောက်ပြီး ချစ်သူကိုရော မြတ်မြတ်နိုးနိုး နမ်းခဲ့ဖူးပါသလား။ ပြီးတော့ ချစ်သူကိုနမ်းခြင်းဟာ ကျန်းမာရေးကို အထောက်အကူပြုတယ်ဆိုတာကိုရော သိပါသလား။ ကဲ … စိတ်ဝင်စားတယ်ဆိုရင် အောက်မှာရေးထားတဲ့ အနမ်းနဲ့ ကျန်းမာရေး ဘယ်နည်းဘယ်ပုံ ဆက်စပ်နေတယ်ဆိုတာကို ဆက်ပြီး ဖတ်ကြည့်ပေါ့နော်။

တကယ်တော့ လူတစ်ယောက်နဲ့တစ်ယောက် နမ်းတယ်ဆိုတာ ခံစားချက်အရရော၊ ယဉ်ကျေးမှု ဓလေ့ထုံးစံတွေအရပါ ချစ်ခင်နှစ်လိုခြင်းဆိုတဲ့ သက်ရောက်မှုကို ဖွင့်ဆိုတာ ဖြစ်ပါတယ်။ လူတစ်ယောက်ကို နမ်းပြီဆိုရင် နမ်းတဲ့လူက အနမ်းခံရတဲ့သူကို ချစ်ပါတယ်ဆိုတဲ့ အဓိပ္ပါယ်ပဲပေါ့။ ကဲ … ဒါဆို အနမ်းနဲ့ပတ်သတ်တဲ့ Definitionလေးတစ်ခုလောက် ထုတ်ကြည့်ရအောင်။ သင်ကရော ဘယ်လိုမျိုး ဖွင့်ဆိုမှာလဲ။ အနောက်တိုင်းယုံကြည်မှုအရတော့ နမ်းတယ်ဆိုတာ "နှစ်လိုဖွယ် ခံစားဆက်ယှက်မှုကို ပါးစပ်ကမပြောဘဲ နှုတ်ခမ်းချင်း ထိတွေ့ပူးကပ်ပြီး ဖော်ပြတဲ့ ချစ်ခြင်းရဲ့သင်္ကေတ" လို့ ဖော်ပြထားပါတယ်။ နောက်ပြီးတော့ တစ်ယောက်ကိုတစ်ယောက် မြတ်မြတ်နိုးနိုး နမ်းရှုံ့ကြတဲ့ စုံတွဲတွေတိုင်း ကျန်းမာရေးအတွက် ကောင်းမွန်တဲ့ အချက်(၇)ခုကို အလိုလိုရရှိနိုင်တယ်တဲ့။ အဲဒီ(၇)ချက်က ဘာတွေလဲဆိုတော့ …

၁။ တစ်ယောက်ကိုတစ်ယောက် နမ်းနေကြတဲ့အခါ ချစ်သူစုံတွဲ နှစ်ယောက်လုံးရဲ့ သွေးကြောတွေဟာ ပြန့်ကားသွားပြီး သွေးခုန်နှုန်းကိုလည်း မြန်လာစေပါတယ်။ ဒါ့ကြောင့် သွေးကြောတွေထဲမှာ ပိတ်ဆို့နေတဲ့ အဆီတွေကို ချေဖျက်ပစ်ပြီး သွေးထဲမှာရှိတဲ့ ကိုလက်စထရော ပမာဏကိုလည်း ကျဆင်းစေပါတယ်။

၂။ နမ်းနေတဲ့အချိန်မှာ စုံတွဲနှစ်ယောက်လုံးရဲ့ မျက်နှာပေါ်မှာရှိတဲ့ ကြွက်သားမျှင် အခု(၃၀)လောက်ကို လှုပ်ရှားလာအောင် ဦးနှောက်က လှုံ့ဆော်ပေးပါသတဲ့။ ဒါကြောင့်လဲ မျက်နှာမှာရှိတဲ့ အရေပြားတွေမှာ ပိတ်ဆို့နေတဲ့ အညစ်အကြေးတွေကို ဖယ်ရှားသန့်စင်စေပြီး မျက်နှာတစ်ပြင်လုံး ပိုမိုချောမွေ့လာစေပါတယ်။ နောက်ပြီးတော့ မျက်နှာပေါ်မှာ ယှက်ဖြာနေတဲ့ ဆံချည်မျှင် သွေးလွှတ်ကြောတွေရဲ့ သွေးစီးဆင်းမှုကို ပိုပြီးကောင်းလာစေပါတယ်။

၃။ နောက်တစ်ခုကတော့ ၀တဲ့သူတွေ စိတ်ဝင်စားမယ့် ကိစ္စပါပဲ။ (၅)စက္ကန့်ကြာအောင် တစ်ခါနမ်းတိုင်း ကိုယ်တွင်းမှာ သိုလှောင်ထားတဲ့ အဆီပမာဏ (၁၂)ကီလိုရီ လောင်ကျွမ်းစေတယ်ဆိုပဲ။ ဒါကြောင့် ၀ိတ်ကျချင်ရင် ရည်းစားကို များများနမ်းကြပါ။

၎။ နောက်တစ်ခုကတော့ စိတ်နဲ့ဆိုင်ပါတယ်။ နမ်းခြင်းဟာ စိတ်ထဲမှာရှိနေတဲ့ ဖိစီးမှုတွေ၊ အားငယ်မှုတွေကို ချေဖျက်ပေးပြီး စိတ်ခွန်အား နိမ့်ကျခြင်း ဖြစ်ပေါ်လာအောင် လှုံ့ဆော်ပေးတဲ့ ဟိုမုန်းဓာတ်တစ်မျိုး ဦးနှောက်က ထုတ်ပေးတာကိုလည်း တားဆီးပေးပါတယ်။ နောက်ပြီး ယုံကြည်မှု ပျောက်ဆုံးနေတဲ့ သူတွေတောင် ချစ်သူရဲ့အနမ်းကြောင့် ကိုယ့်ကိုယ်ကို အကြီးမြတ်ဆုံး သူရဲကောင်းကြီးတွေလို့ ထင်မှတ်လာတတ်တယ်လို့ သုတေသီတွေက အတည်ပြုထားပါတယ်။ ဒါကြောင့် ချစ်သူရဲ့အနမ်းဟာ အကောင်းဆုံးသော စိတ်ပိုင်းဆိုင်ရာ ကုထုံးတစ်ခုပါပဲ။

၅။ ပြီးတော့ အနမ်းဆိုတာ သဘာဝ ရောဂါကာကွယ်ဆေး တစ်မျိုးပါပဲတဲ့။ ဆေးပညာ သဘောအရ လူတစ်ဦးဆီမှာ ရှိနေတတ်ကြတဲ့ သဘာဝကိုယ်ခံစွမ်းအားတွေဟာ မတူညီကြပါဘူး။ ဒါပေမယ့် ချစ်သူနှစ်ဦး နမ်းကြတဲ့အခါ သူတို့တစ်ယောက်ချင်းစီမှာရှိတဲ့ ကိုယ်ခံပဋိဇီဝ စွမ်းအားတွေဟာ တံတွေးကနေတဆင့် ပေါင်းစပ်သွားပါတယ်။ အဲဒီကနေတဆင့် ကိုယ့်ချစ်သူမှာရှိပြီး ကိုယ့်ဆီမှာမရှိတဲ့ ရောဂါကာကွယ်မှု စွမ်းအင်တွေ ကိုယ့်ခန္ဓာကိုယ်ထဲ ပေါင်းစပ်ရောက်ရှိလာနိုင်ခြေဟာ ရာခိုင်နှုန်း(၈၀)ထိ ရှိတယ်ဆိုပဲ။ ဒီဖြစ်စဉ်ကို "အနမ်းဖြင့် ရောဂါကာကွယ်နည်း"လို့ စိတ်ပညာရှင်တွေက နာမည်ပေးထားပါတယ်။

၆။ နောက်ပြီး အနမ်းဟာ လူရဲ့ဦးနှောက် စွမ်းဆောင်ရည် တိုးတက်လာအောင် စနစ်တကျ နှိုးဆွပေးပါတယ်။ ဘယ်လိုအချိန်မျိုးမှာ သိသာလဲဆိုရင် ကိုယ့်ချစ်သူကို ပထမဆုံးအကြိမ် နမ်းဖူးတဲ့အခါ ပေါ်ပေါက်လာတတ်တဲ့ ရှိန်းကနဲ၊ ဖိန်းကနဲ ခံစားမှုမျိုးမှာ ထင်ထင်ရှားရှား တွေ့နိုင်ပါတယ်တဲ့။ အဲဒီအခိုက်အတန့်မှာ လူတစ်ယောက်ရဲ့ ဦးနှောက်အရည်အသွေးဟာ ထိပ်ဆုံးအဆင့်ထိ တက်နေပြီးတော့ ကိုယ်ရည်ကိုယ်သွေးကလည်း အမြင့်မားဆုံး ဖြစ်နေတတ်တယ်လို့ ဆိုပါတယ်။

၇။ နောက်ဆုံးတစ်ခုကတော့ သင်ကိုယ်တိုင်ပဲ စမ်းကြည့်ပြီးမှ ယုံပါတော့။ အဲဒါက ဘာလဲဆိုတော့ … ချစ်သူကို နမ်းရတာ ရင်ခုန်ကြည်နူးစရာ ကောင်းတယ်တဲ့။ နောက်ပြီး ပျော်စရာလဲ ကောင်းပါတယ်တဲ့။ ဘယ်လိုလဲ


ဖတ်မိတာလေးပါ....

မိဘရင်ခွင် အဝေးမှာမို့
လွမ်းဆွတ်တမ်းတ သတိရနေပြီးလား....မေမေ
မေမေ့ဝတ်ပြု တောင်းဆုမေတ္တာ
ပို့သမှုကြောင့် ရေခြားမြေခြား
ဝေးကွာနေလည်း သားရဲ့စိတ်အစဉ်
ငြိမ်းချမ်းပျော်ရွှင် ကြည်နူးရ၏....
မေမေပြောသည့် ဆုံးမမှာစကား
စိတ်မှာကြားယောင် နားထောင်ကျင့်သုံး
လိုက်နာမှုကြောင့် တည်ငြိမ်အေးချမ်းရပါတယ် ....မေမေ
မေမေ့ရင်ခွင် အဝေးမှာမို့
စိုးရိမ်ပူပန် လွမ်းဆွေးတမ်းတ
ဝမ်းနည်းမှုကြောင့် မေမေ့မျက်ဝန်း
စီးကျမျက်ရည် ရှိသည့်အခါ
ချစ်သားရင်ဝယ် ဗလောင်ဆူကာ
မချိတင်ကဲ ရှိလှပါ၏။.....
ရိုသေလေးစား ဦးထိပ်ပန်ဆင်
လက်ဆယ်ဖြာမိုး အစဉ်ရှိခိုး
မိဘခြေရာ ရင်ဝယ်ပိုက်ကာ
အမြဲအောက်မေ့ သတိရလျက်
တာဝန်များနှင့် မေမေ့သား...

သားလေးအတွက်
အိပ်မက်တွေမဆုံးသေးတဲ့အမေ...
အရုဏ်ဦးအခင်းအကျင်းနဲ့
အိမ်ရှေ့တံခါးဝကနေ မျှော်နေတတ်တဲ့အမေ...
ထွန်ယက်ခံရင်ခွင်တစ်ခုလုံး
စိမ်းလန်းဝင်းမှည့်မှပြန်ခဲ့မယ်အမေ...
အဲဒီလိုနဲ့............
သားလေးရှုပ်ခဲ့သမျှ
ရင်စည်းခံပေးဆပ်ရင်း
ကိုယ်ပိုင်ခြံလေးရောင်းခဲ့တဲ့အမေ...
အတွေ့အကြုံပေါ့သားရယ်တဲ့
မင်းအတွေ့အကြုံကကြေးကြီးတယ်လို့ပြောဖူးတဲ့အမေ...
ကျွန်တော်ရှက်ရွံ့မှုရဲ့သိမ်ငယ်ရာမှာ
အကောင်းမြင်ဝါဒနဲ့အနာဂတ်ကိုမြင်စေတဲ့အမေ...
ကျွန်တော်လောဘမကြီးဘူး
ဖြစ်နိုင်ခြေတစ်ဝက်ရဲ့နှစ်ဆကိုလိုချင်တတ်တာပါအမေ...
အမှားတစ်ရာကြောင့်အမှန်တစ်ခုရှိခဲ့ရင်
အဲ့ဒီတစ်ခုတည်းသောအမှန်တရားဟာ
အမေ့လရောင်ဝါ၀ါတွေရဲ့အောက်
ကြယ်ကြွေကောက်ပြီးပြန်ချင်တဲ့စိတ်ကူးပါပဲ....
အမေ့အိပ်မက်တွေက(ဒီနေ့ထိ)
ကျွန်တော့်ကို တခုတ်တရ ထွေးပွေ့ထားဆဲပါပဲ.....။ ။
အမေ့ရင်ကိုနှုတ်ဆက်
ခံစားချက်မဲ့တဲ့ ဒီနိုင်ငံမှာ
ပညာရှာရင်းကျွန်ခံ
သားတို့ဘဝကို မြုပ်နှံခဲ့ပြီ...အမေ
ပူပြင်းလှတဲ့ နွေလွင်ပြင်အောက်
အထီးကျန်ဆိုတဲ့ သူငယ်ချင်းနဲ့
အမေ့ကိုလွမ်းလို့ မျက်ရည်ကျရင်း
သားစိတ်ပျော့တယ် ဆိုမလား....အမေ
အမေရေ.....
ပျော်တဲ့သူလည်း ပျော်ကြလိမ့်မယ်
လေးလပိုင်းရဲ့ အလယ်ရက်မှာ
နှုတ်ခမ်းအပြုံး နှလုံးသားမျက်ရည်နဲ့
အပျော်တစ်ခုကို ဖန်ဆင်းခဲ့ရတယ်
အမေ
မီးခဲများ နီရဲမယ့်နေ့အထိ
ဆားမပါတဲ့ ဟင်းတစ်ခွက်ကို
သုံးနှစ်ပြည့်အောင် သည်းခံပြီးရင်
အမေရယ်
အမေ့လက်ရာ ဟင်းတစ်ခွက်ကို
ငတ်ငတ်ပြတ်ပြတ် စားသောက်ချင်ပါရဲ့ ....

"မွေးလာက တည်းက သေမည့်အချိန်ကို ထမင်းစားရင်းစောင့်နေကြတဲ့ လူတွေ လောကမှာ အများကြီး ရှိတယ်။ ဒီအထဲမှာ ငါ့သားမပါစေနဲ့"

အမေ၏
ဆုံးမစကားတို့သည် ရှင်းသည်၊ တိကျသည်၊ ပြတ်သားသည်၊ နားလည်လွယ်သည်။


ဆင်းရဲသည်ဖြစ်စေ၊
ချမ်းသာသည်ဖြစ်စေ မိဘတိုင်း သားသမီးများကို အမွေပေးခဲ့ကြသူများချည်း
ဖြစ်သည်။ အဖေ၊ အမေထံမှ ပစ္စည်းဥစ္စာ၊ ဓနကြေးငွေ၊ ပညာ စသည်တို့ကို ရရှိမှသာ
အမွေရသည်ဟု သားသမီးများက ထင်တတ်ကြပါသည်။ တကယ်တော့
၎င်းင်းပစ္စည်းများတန်ဖိုးနှင့် တုနှိုင်းယှဉ်လို့ မရနိုင်အောင်ပင်
အဖိုးအနဂ္ဃထာဝရ မြင့်နေသော အမွေကို ကမ္ဘာပေါ်ရှိ သားသမီးတိုင်း ၎င်းင်းတို့၏
မိဘအသီးသီးထံမှ ရရှိကြသည်သာ။ ထိုအမွေကား အသက် ဟူသော အမွေတည်း။

"သတိမမူ
ဂူမမြင်၊ သတိမူတော့ မြူပါမြင်သည်" ဟု ဆိုရိုးစကား ရှိပါသည်။ အသက်သည်
အမွေတစ်ခုဟု အမေက ကျွန်တော် သိစေချင်သည်။ ဒီအသက်အမွေကို
အရင်းအနှီးပြုလုပ်ပြီး ကျွန်တော်၏ ကိုယ်ကျင့်သိက္ခာ မြင့်မားအောင်
နေထိုင်စေချင်သည်။ ဒါက အမေ၏ ဆန္ဒ၊ ထိုဆန္ဒနှင့်အညီ စာမတတ်သည့်ကြားမှ
အလျင်းသင့်သလို ကျွန်တော့်ကို ဆုံးမစကားများစွာကို ပြောခဲ့သည်။
ထိုဆိုဆုံးမစကားများသည်ပင် အမေ၏ နှလုံးသားမှ စေတနာ၊ မေတ္တာ၊ ဂရုဏာတို့ဟု
ကျွန်တော်နားလည် သဘောပေါက်ပါပြီ။ အမေက ပြောဖူးသည်…

"၀မ်းနဲ့လွယ်မွေးခဲ့ရတဲ့
မိခင်တိုင်းရဲ့ ကာယီကဒုက္ခနဲ့ စေတသိက ဒုက္ခတွေကို မျက်လုံးအစား နှလုံးသားနဲ့
ခံစားကြည့်၊ မိခင်တိုင်းရဲ့ စေတနာ၊ မေတ္တာ၊ ဂရုဏာစွမ်းအင်ကြီးမားပုံကိုလဲ
မြင်အောင် လေးလေးနက်နက်တွေး၊ ဒါမှ အမေရဲ့ တန်ဖိုးကို သိလိမ့်မယ်၊
တန်ဖိုးသိမှ ကျေးဇူးကို နားလည်မယ် ငါ့သား"

"လူဖြစ်ဖြစ်၊
ပစ္စည်းဖြစ်ဖြစ် မရှိတော့မှ တန်ဖိုး ပိုသိကြမယ်၊ သတိရကြမယ်၊
နှမြောတမ်းတကြမယ်၊ အမေ ပြောတာတွေကို ငါ့သားက အသက်ရှစ်နှစ်ဆိုတော့
ငယ်သေးတယ်၊ ကောင်းကောင်းနားလည်မှာ မဟုတ်ဘူး"

"ငါ့သား၊ အမေနေ့စဉ်နဲ့အမျှ လုပ်နေတာတွေ၊ ပြောနေတာတွေ၊ ကြံစည်နေတာတွေဟာ အမေတို့ သွားရမည့် နေရာကို ပို့ကြလိမ့်မယ်"

"ငါ့သား
နားလည်အောင် အလွယ်ကူဆုံး စကားနဲ့ အမေပြောမယ်၊ ကောင်းတာကြံ၊ ကောင်းတာပြော၊
ကောင်းတာလုပ်၊ အဲဒါဆိုရင် ကောင်းတဲ့နေရာ ရောက်မယ်၊ မကောင်းရင်
မကောင်းတဲ့နေရာ ရောက်မယ်"

"ဒါဆိုရင် အမေကောင်းတဲ့ နေရာရောက်ပါစေလို့ အမေလည်းဆုတောင်း၊ ကျွန်တော်လည်း ၀ိုင်းဆုတောင်းပေးမယ်"

"ငါ့သားရယ် လောကမှာ ဆုတောင်းလို့ရတဲ့ ကိစ္စတွေ ရှိသလို ဆုတောင်းလို့မရတဲ့ ကိစ္စတွေလဲ ရှိတယ်၊ အခုအမေပြောတာတွေက ဆုတောင်းလို့ မရတာတွေ"

"ငါ့သား ကျောင်းစာကိုလည်း ကျက်၊ တဖက်ကလဲ ဗုဒ္ဓဘာသာဝင် တစ်ယောက်ဖြစ်အောင် ကြိုးစား၊ ဘာသာရေးကလဲ အရေးကြီးတာပဲ ငါ့သားရဲ့"

"အမေကလဲ
ကြံကြံဖန်ဖန် ပူနေပုံရတယ်၊ အင်္ဂလိပ်ကျောင်းမှာ နေလို့ ကျွန်တော်
ခရစ်ယာန်ဖြစ်မှာ စိုးရိမ်နေတာနဲ့ တူတယ်၊ အမေရယ်၊ အဖေရော အမေကပါ
ဗုဒ္ဓဘာသာတွေ ဆိုတော့ ကျွန်တော်ကလဲ မိရိုးဖလာ ကိုယ်နှိုက်က ဗုဒ္ဓဘာသာ
ဖြစ်ပြီးသားပါ"

"ငါ့သား
ဒီလိုပြောလို့လဲ မရဘူး၊ ဗုဒ္ဓဘာသာဝင် စစ်စစ်ဖြစ်ဖို့ ဆိုတာ လွယ်တာ
မဟုတ်ဘူး၊ ဗုဒ္ဓဘာသာဝင် တစ်ဦးမှာ မရှိရင် မဖြစ်တဲ့ အရည်အချင်းဆိုတာ
ရှိတယ်၊ ဘာလဲဆိုတော့ သဒ္ဓါတရားဆိုတဲ့ ယုံကြည်မှုပဲ၊ ဘုရားကို ယုံကြည်ရမယ်၊
တရားကို ယုံကြည်ရမယ်၊ သံဃာကို ယုံကြည်ရမယ်၊ ကံကို ယုံကြည်ရမယ်၊
ကံရဲ့အကျိုးကို ယုံကြည်ရမယ်၊ ဒါဟာ သိပ်အရေးကြီးတဲ့ အချက်ပဲ၊ အဲဒီ
ယုံကြည်မှု ငါးမျိုးထဲက တစ်ခုခု ပျက်ရင် ဗုဒ္ဓဘာသာဝင်
စစ်စစ်မဖြစ်နိုင်တော့ဘူး၊ ဒါဟာ ဘုရားဟောလို့ အမေကိုးကွယ်တဲ့ ဆရာတော်တွေက
ပြောဖူးတယ်"

ကျွန်တော်က ကျက်လက်စ ကျောင်းစာများကို ဘေးအသာချထားပြီး တန်ဘိုးရှိလှသည့် အမေ၏ တရားစကားများကို အာရုံစူးစိုက် နားထောင်နေလိုက်သည်။

"လူတစ်ဦးတစ်ယောက်ဆီက
အင်မတန်မှ ရခဲတဲ့အရာ လောကမှာ ရှိတယ်။ အမေနဲ့ သား၊ ဆရာနဲ့ တပည့်ဆိုပြီး၊
ဇွတ်အတင်း တောင်းလို့ မရဘူး၊ ဒါဟာ ဘာလဲဆိုတော့ ယုံကြည်မှုဆိုတဲ့ သဒ္ဓါတရား
ငါးမျိုးဘဲ၊ သဒ္ဓါတရားဆိုတာ ကာယကံရှင်ရဲ့ ရင်ထဲ၊ အသည်းထဲ၊ နှလုံးအိမ်ထဲက
ဘယ်သူမှ မတောင်းဆိုရဘဲ ဘယ်သူမှ မတိုက်တွန်းရဘဲ အလိုလို မြစ်ဖျားခံ
နိုးကြားလာမှ စစ်မှန်တယ်၊ ဒါမှ ဗုဒ္ဓဘာသာဝင် စစ်စစ်ဖြစ်တယ်တဲ့"

ဘာသာရေး
ခံယူချက်တွင် မှန်ကန်စေချင်သော အမေ၏ ဆန္ဒနှင့် စေတနာကို ကျွန်တော်များစွာ
တန်ဖိုးထားရပါမည်။ ထို့ကြောင့်လည်း ထိုနေ့ညက ကျွန်တော် အမေ့ခြေအစုံကို
ဦးခေါင်းဖြင့် ထိ၍ ရှိခိုးရင်း ကျွန်တော်ဟာ သဒ္ဓါတရားနှင့် ပြည့်ဝသော
ဗုဒ္ဓဘာသာဝင် စစ်စစ်တစ်ဦး ဖြစ်ရပါစေ့မည်ဟု အမေ့ကို ကတိပေးခဲ့ပါသည်။ အမေက
သာဓု သုံးကြိမ်ခေါ်ပါသည်။

"ဟောဒီလှိုင်းလုံးတွေဟာ
ပင်လယ်ထဲက စတင်ပြီး သောင်ကမ်းဆီကို မမောနိုင် မပမ်းနိုင်
ပြေးပြေးတက်လာကြတယ်၊ ကမ်းနားရောက်တော့ ပျောက်ပျက်သွားတယ်လို့ မျက်မြင်အရ
ထင်စရာပေါ့၊ ဒါပေမယ့် အဲဒီလှိုင်းလုံးတွေဟာ မူရင်းစတင်ဖြစ်ပေါ်တဲ့
ပင်လယ်ထဲဆီကို ပြန်သွားကြတယ်လို့ အမေ့ရဲ့ အဖေ အမေတွေက ပြောဖူးတယ်၊
ဒို့ဗုဒ္ဓမြတ်စွာဘုရား စေတနာနဲ့ ပတ်သက်ပြီး ဟောကြားခဲ့တယ်တဲ့၊ ဘုရားက
လုပ်ငန်းတိုင်းကို ကောင်းမြတ်တဲ့ စေတနာနဲ့ လုပ်ဖို့ တိုက်တွန်းတယ်၊
ထိတွေ့ဆက်ဆံရတဲ့ လူတွေ၊ သတ္တ၀ါတွေအပေါ်မှာလဲ စေတနာကောင်းထားရတယ်လို့
ဆုံးမတယ်တဲ့၊ ကိုယ်ထားရှိတဲ့ စေတနာဟာ အချိန်တန်ရင် ကိုယ့်ဆီကို ပြန်လာတယ်၊
အလဟဿ မဖြစ်ဘူး၊ ပင်လယ်သမုဒ္ဒရာထဲက လှိုင်းလုံးတွေဟာ ဝေးကွာတဲ့ ကမ်းနားဆီကို
ဦးတည်သွားနေပေမဲ့ ကမ်းနားရောက်ပြီးတာနဲ့ စတင်ဖြစ်ပေါ်တဲ့ မူလနေရာဆီကို
အမြဲပြန်လာတယ်၊ ပျောက်ပျက်သွားရိုး ထုံးစံမရှိဘူး၊ စေတနာကို
လှိုင်းလုံးနဲ့ ဥပမာပြပြီး ဗုဒ္ဓက ဟောထားခဲ့တာတဲ့"

တန်ဆောင်မုန်းလပြည့်နေ့
ညတစ်ညတွင် ဖြစ်သည်။ မြေဆီမီးခွက်များတွင် ဆီနှင့် မီးဇာကို အသုံးပြု၍
ဗုဒ္ဓကို ကျွန်တော်တို့ မိသားစု ဆီမီးပူဇော်ကြသည်။

"ငါ့သား
ဒီမှာ လာကြည့်စမ်း၊ ဆီသန့်ဆီကြည်နဲ့ ထွန်းတဲ့ ဆီမီးခွက်မီးက ကြည်တယ်၊
မှိုင်း မထွက်ဘူး၊ ဟိုဘက်က ဆီမဲဆီနောက်နဲ့ ထွန်းတဲ့မီးက မကြည်ဘူး၊ မှိုင်း
ထတယ်၊ ဒါဟာ ဆီကြည် ဆီနောက်ရဲ့ ခြားနားမှုပေါ့၊ ငါ့သား လုပ်ငန်းတစ်ခုကို
ဆောင်ရွက်တဲ့အခါ ထားရှိတဲ့ စေတနာဟာ သိပ်အရေးကြီးတယ်၊ စေတနာ သန့်ရင်
သန့်သလို၊ မဲ့ရင် မဲ့သလို၊ ယုတ်ရင် ယုတ်သလို အကျိုးပေးတယ်၊ ငါ့သား
ကိုယ်လုပ်တဲ့ လုပ်ငန်းအပေါ်မှာ စေတနာသန့်ဖို့ကို အဓိကထား၊ ဗုဒ္ဓကလဲ
ဒီအတိုင်း ဟောတယ်လို့ ဆရာတော်တွေက မိန့်လေ့ရှိတယ်။ ချမ်းသာချင်ရင်
စေတနာမမဲ့ရဘူး"

"လဟာ
အေးမြတယ်၊ အေးမြတဲ့ လမင်းရဲ့ ဓါတ်ကို ပုတီးစိပ်ရင်း ကိုယ့်နှလုံးအိမ်မှာ
ဓါတ်ကူးယူတဲ့ သဘောပဲ၊ ဓါတ်ပေါင်းတယ်လို့ ဆိုချင်ရင်ဆိုပေါ့၊
အတိတ်နိမိတ်ကောင်းလို့ ဓါတ်ပေါင်းလပြည့်နေ့ကို အလေးထားတာ၊ လမင်းရဲ့
အလင်းရောင်ဟာ သန့်တဲ့ နေရာ၊ မသန့်တဲ့ နေရာရယ်လို့ မရွေးဘူး၊ မခွဲခြားဘူး၊
ဒီအတိုင်းဘဲ အမေတို့ဟာလဲ လူတွေကို အဆင့်မခွဲခြားဘဲ လူကိုလူလို
လေးစားတတ်ရမယ်၊ တန်ဖိုးထားတတ်ရမယ်။ လူတိုင်းဟာ သူ့နေရာနဲ့ သူတော့
သုံးတတ်ရင် တန်ဖိုးရှိတာချည်းပဲ"

"ပုဂ္ဂိုလ်တွေက
နေကို လူ့ဦးခေါင်းလို သဘောထားကြတယ်၊ လူ့ဦးခေါင်းဟာ နေရာမပြောင်းဘူး၊
နေမင်းဟာလဲ ဒီအတိုင်းဘဲ၊ လဆန်း၊ လဆုတ်၊ လပြည့်၊ လကွယ်နေ့တွေမှာလဲ
အရွယ်အစား လုံးဝ မပြောင်းဘူး၊ စိတ်ဓာတ်ရေးရာမှာ နေလို ကျင့်ပါ၊
သမာဓိခိုင်မြဲပါစေ၊ အပြောင်းအလဲ မလုပ်ပါနဲ့"

"လကိုတော့
လူ့မျက်နှာလို သဘောထားကြတယ်၊ လဟာ လဆန်းမှာ တစ်မျိုး၊ လဆုတ်မှာ တစ်မျိုး၊
လပြည့်မှာ တစ်မျိုး၊ အမြဲပြောင်းတယ်၊ လူ့မျက်နှာဟာလဲ ဒီအတိုင်းပဲ၊
ဝမ်းသာရင် တစ်မျိုး၊ ၀မ်းနည်းရင် တစ်မျိုး၊ ကြိုက်ရင် တစ်မျိုး၊
မကြိုက်ရင် တစ်မျိုး အမြဲ အပြောင်းအလဲ လုပ်တယ်။ အလျော့အတင်း ရှိတယ်၊
လမင်းရဲ့ အေးမြတဲ့ ဓါတ်ကိုတော့ ပူးပေါင်းရယူပါ။ ဒါပေမဲ့ လရဲ့
ပုံသဏ္ဍာန်လိုတော့ မကျင့်ပါနဲ့လို့ အမေ့ဆရာတွေက ဆုံးမတယ်။ ငါ့သား ကိုယ့်ကို
အကျိုးရှိတဲ့ စကားပြောလို့ကတော့ ကလေးကပဲ ပြောပြော၊ လူကြီးကပဲ ပြောပြော၊
လူမျိုးခြားကပဲ ပြောပြော တန်ဖိုးထားတတ်ရတယ်၊ လေးစားတတ်ရတယ်"

တစ်ညနေ ရန်ကုန်မြို့ ကန်တော်ကြီးဘက် သွာကြည့်ကြစဉ် အမေ ပြောသော စကားများကို ကျွန်တော်သတိရမိပါသည်။

"ငါ့သား၊
ဟိုမှာ ကြည့်စမ်း၊ ကြာပန်းတွေ ပွင့်နေလိုက်တာ၊ အင်း … ကြာပန်းကလေးတွေကို
ကြည့်ပြီး ဘ၀မှာ သင်ခန်းစာ ယူရင် ရတယ်။ ကြာပန်းတစ်ပွင့် ရေပေါ်မှာ
တက်ပွင့်ဖို့ဆိုတာ တကယ် မလွယ်ဘူး။ ရေအောက်က ချုံနွယ်တွေ၊ ပေါင်းပင်တွေက
ကြာပန်း ရေပေါ် မရောက်အောင် အစွမ်းကုန် ၀ိုင်းဆွဲကြတာဘဲ။ ကြာပန်းကလဲ
အားပြိုင်ပြီး ရေပေါ် ရောက်အောင် ကြိုးစားတက်တာပဲ။ ရေပေါ်ပွင့်လာနိုင်တဲ့အထိ
ရောက်လာကြတဲ့ ကြာပွင့်တွေ ရှိသလို ရေအောက်မှာတင် ရွှံ့ညွံပေါင်းပင်တွေ
ကြားမှာ ပုပ်ယိသွားကြတဲ့ ကြာဖူး ကြာငုံတွေဟာလဲ အမြောက်အမြားပဲ။ လူတွေလဲ
ဒီအတိုင်းပဲ။ အပေါ်ရောက်ဖို့ ကြိုးစားကြရင်း အောက်ခြေမှာတင် ဘ၀ဆုံးသွားတဲ့
လူတွေ၊ ပျက်သွားတဲ့ လူတွေဟာ ဒုနဲ့ ဒေး။ ငါ့သား ဘ၀ နွံမနစ်အောင် ကြိုးစား"

ထိုနေ့က ကြာပန်းနှင့် ယှဉ်၍ ပြောသွားသော သင်ခန်းစာကို ကြာပန်းမြင်တိုင်း ကျွန်တော် အမေ့ကို သတိတရ ရှိလှပါသည်။

ငါးမျှားနေကြသော သူများကို တွေ့တော့ အမေ့မှာ ပြောစရာ စကားများ ရှိလာပြန်ပါသည်။

"ငါ့သား၊
ကောက်သော် စားမလောက်ဘူး၊ ဖြောင့်သော် စား မကုန်ဘူးလို့ ရှေးလူတွေက
ဆိုကြတယ်။ သဘောကတော့ ကောက်ကျစ်စဉ်းလဲ လိမ်ညာရင် စားရေး သောက်ရေး ခက်တယ်။
ရိုးသားဖြောင့်မတ်တယ်ဆိုရင်တော့ စားရေး သောက်ရေး လွယ်ကူတယ်။ ပိုလျှံတယ်
ဆိုတဲ့ သဘောပေါ့။ ငါးမျှားချိတ်က ကောက်တယ်။ တစ်နေကုန် မျှားရင်တောင်
စားမလောက်ဘူး။ လေးရဲ့ မြှားတံက ဖြောင့်တယ်။ သားကောင်ပစ်လို့ ရပြီဆိုရင်
တစ်ယောက်စာတင် မကဘူး။ တစ်အိမ်လုံး စားရင်တောင် မကုန်နိုင်ဘူးလို့ ဥပမာ
ပြကြတယ်"

ကန်တော်ကြီးထဲတွင် လူများ အပျော်လှေစီးနေကြသည်ကို တွေ့သောအခါ အမေ ပြောခဲ့သော စကားများသည် များစွာ တန်ဖိုးရှိလှပါသည်။

"ငါ့သား၊
လှေဆိုတာ တည်ဆောက်ပြီးလို့ လှေဖြစ်တာနဲ့ ရေထဲမှာ ချကြရတယ်။ ကုန်းပေါ်မှာ
တင်ထားလို့ မရဘူး။ လှေဟာ ရေနဲ့ ကင်းကွာရင် ကွဲအက်လာတတ်တယ်။ သုံး မရ
ဖြစ်တတ်တယ်။ ဒါကြောင့် လှေဆိုတာ ရေထဲမှာ ချထားရတဲ့ အမျိုး၊ ရေထဲမှာ
လှေချထားရတယ် ဆိုပေမယ့် လှေထဲကို ရေ၀င်လို့တော့ မဖြစ်ဘူး။ ရေ၀င်ရင်
လှေမြုတ်မယ်။ ဒီအတိုင်းပဲ လူတွေဟာ ပုဂ္ဂိုလ်ထူး၊ ပုဂ္ဂိုလ်မြတ်၊
ရဟန်းဆိုရင်လည်း ရဟန်းထူး၊ ရဟန်းမြတ် ဖြစ်အောင် ကျင့်ပြီးလို့ ဖြစ်လာရင်
လူနဲ့ကင်းကွာလို့ မရဘူး။ လူတောထဲ ပြန်တိုးရမှာပဲ။ လူတောထဲတော့ တိုးပါ။
လူတိုးတော့ မခံနဲ့လို့ အမေ့ရဲ့ အဖေက ပြောဖူးတယ်။ လူတိုးခံရင်
ကိုယ့်ဟန်ချက် ပျက်တယ်။ လဲနိုင်တယ်။ လူပိတတ်တယ်။ လူတက်နင်းခံရတတ်တယ်တဲ့"

"အမေဟာ
တန်ဖိုး အလွန်မြင့်မားတဲ့ အသက်အမွေကို သားတို့ သမီးတို့ကို ပေးခဲ့ပြီးပြီ၊
ကျွန်တော့်အပေါ် ထားရှိခဲ့သော အမေ၏ ကြီးမားလှသော စေတနာ မေတ္တာ ကရုဏာ တို့ကို
မှတ်တမ်းတင်လိုက်မိသော ကျွန်တော်၏ ရေးသားတင်ပြမှုတို့သည် အမေ့နှလုံးသားမှ
စေတနာ မေတ္တာ ကရုဏာတို့၏ အတိုင်းအတာကို မပြည့်မှီဘဲ လျော့နည်းနေပါက
ကျွန်တော့်ကို အမေ ခွင့်လွှတ်ပါရန် ရှိခိုးတောင်းပန်ပါသည် အမေ။

ပူပင်ကြောင့်ကြ စိုးရိမ်မှုကင်း
ဒုက္ခအလျဉ်း မရှိသည့်နေရာ......
သောကဟူသမျှ ခါးစည်းခံကာ
အန္တာရာယ်တွေ ရင်ဆိုင်ဖြေရှင်း
မျက်နှာတစ်ချက် မညိူးငယ်ရ
အေးချမ်းပျော်ရွှင် လိုရာဖြည့်ဆည်း
မှန်ရာလမ်းညွှန် ကောင်းရာသင်ပြ
ပေးဆပ်မှုအတိ ရှိသည့်နေရာ.....
လန်းဆန်းအပြုံး အကြင်နာလက်နှင့်
ဖေးမကူညီ အားပေးနှစ်သိမ့်
နွေးထွေးမှုနှင့် ငြိုငြင်မှုမဲ့
အမြဲကြိုဆို တံခါးဖွင့်သည့်နေရာ.....